Faydalı Hakim olmaq istəyən namizədlər üçün tələblər və ədəbiyyat siyahısı

Hakim olmaq istəyən namizədlərə aid tələblər:

-yaş tələbi yoxdur;

-seçkilərdə iştirak etmək hüququ olmalı;

-ali hüquq təhsilli olmalı;

-Azərbaycan Respublikası vətəndaşı olmalı;

-hüquqşünas ixtisası üzrə 5 ildən artıq iş stajı olmalı.

Hakimlər heç bir başqa seçkili və təyinatlı vəzifə tuta bilməzlər;

Elmi, pedaqoji və yaradıcılıq fəaliyyətindən başqa heç bir sahibkarlıq, kommersiya və digər ödənişli fəaliyyətlə məşğul ola bilməzlər, siyasi fəaliyyətlə məşğul ola bilməz və siyasi partiyalara üzv ola bilməzlər, vəzifə maaşından, habelə elmi, pedaqoji və yaradıcılıq fəaliyyətinə görə aldığı vəsaitdən başqa məvacib ala bilməzlər.

Hakim vəzifəsinə hakimlər ilk dəfə 3 il müddətinə təyin olunurlar.

Ali Məhkəmənin hakimləri üçün son yaş həddi 68 yaşdır.

Digər instansiya məhkəmələrinin hakimləri üçün son yaş həddi 66 yaşdır.


Hakimliyə namizədlər üçün imtahanlar:

Hakim vəzifəsinə namizədlərin seçilməsi namizədlərin bilik səviyyəsini, peşə hazırlığını, ümumi dünyagörüşünü, məntiqi nəticələr çıxarmaq qabiliyyətini, hakim vəzifəsinə yararlı və layiqli olmasını müəyyən etmək məqsədi ilə şəffaf surətdə test imtahanı, yazılı imtahan və müsahibə əsasında Hakimlərin Seçki Komitəsi tərəfindən təşkil edilir.

Kimlər hakim ola bilməz?

-ikili vətəndaşlığı olan;

-digər dövlətlər qarşısında öhdəlikləri olanlar;

-din xadimləri;

-fəaliyyət qabiliyyətsizliyi və ya məhdud fəaliyyət qabiliyyəti məhkəmə tərəfindən təsdiq edilmiş;

-tibbi rəyə əsasən fiziki və əqli pozuntularına görə hakim səlahiyyətlərini yerinə yetirməyə qadir olmayan;

-cinayət törətməyə görə əvvəllər məhkum olunmuş, barəsində cinayət təqibinə bəraətverici əsaslar olmadan xitam verilmiş;

-hakim vəzifəsindən intizam qaydasında azad edilmiş şəxslər hakim ola bilməzlər


Hakimlik imtahanına hazırlıq üçün ədəbiyyat siyahısı:

Konstitusiya və Məcəllələr

1. Azərbaycan Respublikasının Konstitusiyası,
2. Naxçıvan Muxtar Respublikasının Konstitusiyası,
3. Mülki Məcəllə,
4. Mülki Prosessual Məcəllə,
5. Cinayət Məcəlləsi,
6. Cinayət Prosessual Məcəllə,
7. İnzibati Xətalar Məcəlləsi,
8. İnzibati Prosessual Məcəllə,
9. Əmək Məcəlləsi,
10. Ailə Məcəlləsi,
11. Cəzaların İcrası Məcəlləsi,
12. Mənzil Məcəlləsi,
13. Torpaq Məcəlləsi,
14. Şəhərsalma və Tikinti Məcəlləsi,
15. Vergi Məcəlləsi,
16. Seçki Məcəlləsi.


Qanunlar:

1. “Məhkəmələr və hakimlər haqqında” Qanunu,
2. “Məhkəmə-Hüquq Şurası haqqında” Qanunu,
3. “Konstitusiya Məhkəməsi haqqında” Qanunu,
4. “Prokurorluq haqqında” Qanunu,
5. “Vəkillər və vəkillik fəaliyyəti haqqında” Qanunu,
6. “İnsan hüquqlarının və əsas azadlıqlarının müdafiəsi haqqında” Avropa Konvensiyası,
7. “Azərbaycan Respublikasının insan hüquqları üzrə müvəkkili (ombudsman) haqqında” Konstitusiya Qanunu,
8. “Normativ hüquqi aktlar haqqında” Qanun,
9. “Dövlət qulluğu haqqında” Qanun,
10. “Əmək pensiyaları haqqında” Qanun,
11. “Vətəndaşların müraciətləri haqqında” Qanun,
12. “Mediasiya haqqında” Qanun,
13. “Məhkəmə ekspertizası fəaliyyəti haqqında” Qanun,
14. Məhkəmə və hüquq mühafizə orqanları işçilərinin dövlət müdafiəsi haqqında” Qanun,
15. "Korrupsiyaya qarşı mübarizə haqqında"Qanun,
16. “Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Qanun,
17. “Polis haqqında” Qanun,
18. “Əməliyyat-axtarış fəaliyyəti haqqında” Qanun,
19. “Cinayət törətmiş şəxslərin verilməsi (ekstradisiya) haqqında” Qanun,
20.“Təhqiqat, ibtidai istintaq, prokurorluq və məhkəmə orqanlarının qanunsuz hərəkətləri nəticəsində fiziki şəxslərə vurulmuş ziyanın ödənilməsi haqqında” Qanun,
21. "Notariat haqqında" Qanun,
22. "İcra haqqında" Qanun,
23. "İnzibati İcraat haqqında" Qanun,
24. “Torpaqların dövlət ehtiyacları üçün alınması haqqında” Qanun,
25. “İpoteka haqqında” Qanun,
26. “Daşınar əmlakın yüklülüyü haqqında” Qanun,
27. “Publik hüquqi şəxslər haqqında” Qanun,
28. “Hüquqi şəxslərin dövlət qeydiyyatı və dövlət reyestri haqqında” Qanun,
29. “Dövlət rüsumu haqqında” Qanun,
30. “Ələt azad iqtisadi zonası haqqında” Qanun.