- Qoşulub
- 16 Oktyabr 2025
- Mesajlar
- 3
Heyvanlarla rəhmsiz rəftar etməyin cəzası nədir?
Heyvanlar aləmi bizim təbiətimizin, həyatımızın və mənəviyyatımızın ayrılmaz hissəsidir. Onların qorunması, onlara qarşı mərhəmət və məsuliyyətlə davranmaq hər bir vətəndaşın borcudur. Heyvanlara qarşı qəddar davranış təkcə mənəvi cəhətdən yox, qanun qarşısında da məsuliyyət yaradan bir əməldir.
Azərbaycan Respublikasının “Heyvanlar aləmi haqqında” Qanunu heyvanların qorunması və onlara qarşı qəddar rəftarın qarşısının alınması məqsədilə qəbul edilmiş mühüm hüquqi sənəddir.
Qanunun 5-ci maddəsində qeyd olunur ki, heyvanlar aləmi obyektləri dövlətin mülkiyyətidir və onların mühafizəsi, artırılması, yetişdirilməsi və saxlanması qanunla tənzimlənir.
Qanunun 53-cü maddəsinə əsasən heyvanlarla rəhmsiz rəftar etmək yəni onlara ağrı, əzab, işgəncə vermək, onları döymək, döyüşdürmək nəticəsində şikəst və ya tələf etmə, rəhmsiz rəftarı nümayiş etdirərək mediada təbliğ etmək və ya açıq çağırışlar etmək məsuliyyətə səbəb olur.
Bundan əlavə, heyvanlara qarşı qəddar rəftarla bağlı məsuliyyət həm Qanunda, həm də Azərbaycan Respublikasının İnzibati Xətalar Məcəlləsi çərçivəsində nəzərdə tutulub. Məsələn, İXM‐nin 274-cü maddəsində heyvanlarla rəhmsiz davranmaqla onların şikəst və ya tələf edilməsinə görə cərimə tədbiri mövcuddur:
fiziki şəxslər üçün - 500 manatdan 1000 manatadək
vəzifəli şəxslər üçün - 1500 manatdan 2000 manatadək
hüquqi şəxslər üçün - 4000 manatdan 5000 manatadək
Bu qanunun məqsədi yalnız heyvanları qorumaq deyil, həm də cəmiyyətdə mərhəmət, empatiya və məsuliyyət hissini formalaşdırmaqdır. Heyvanlar da hiss edən, qorxan, sevən canlılardır. Onlara mərhəmət göstərmək sadəcə borc deyil insanlığın göstəricisidir.
Unutmayaq! Heyvana qarşı zorakılıq, insanlığa qarşı zorakılıqdır. Hər birimiz belə halların şahidi olduqda Daxili İşlər Nazirliyinə və ya bələdiyyə orqanlarına müraciət etməliyik. Birlikdə daha mərhəmətli, daha ədalətli bir cəmiyyət qura bilərik.
Heyvanlar aləmi bizim təbiətimizin, həyatımızın və mənəviyyatımızın ayrılmaz hissəsidir. Onların qorunması, onlara qarşı mərhəmət və məsuliyyətlə davranmaq hər bir vətəndaşın borcudur. Heyvanlara qarşı qəddar davranış təkcə mənəvi cəhətdən yox, qanun qarşısında da məsuliyyət yaradan bir əməldir.
Azərbaycan Respublikasının “Heyvanlar aləmi haqqında” Qanunu heyvanların qorunması və onlara qarşı qəddar rəftarın qarşısının alınması məqsədilə qəbul edilmiş mühüm hüquqi sənəddir.
Qanunun 5-ci maddəsində qeyd olunur ki, heyvanlar aləmi obyektləri dövlətin mülkiyyətidir və onların mühafizəsi, artırılması, yetişdirilməsi və saxlanması qanunla tənzimlənir.
Qanunun 53-cü maddəsinə əsasən heyvanlarla rəhmsiz rəftar etmək yəni onlara ağrı, əzab, işgəncə vermək, onları döymək, döyüşdürmək nəticəsində şikəst və ya tələf etmə, rəhmsiz rəftarı nümayiş etdirərək mediada təbliğ etmək və ya açıq çağırışlar etmək məsuliyyətə səbəb olur.
Bundan əlavə, heyvanlara qarşı qəddar rəftarla bağlı məsuliyyət həm Qanunda, həm də Azərbaycan Respublikasının İnzibati Xətalar Məcəlləsi çərçivəsində nəzərdə tutulub. Məsələn, İXM‐nin 274-cü maddəsində heyvanlarla rəhmsiz davranmaqla onların şikəst və ya tələf edilməsinə görə cərimə tədbiri mövcuddur:
fiziki şəxslər üçün - 500 manatdan 1000 manatadək
vəzifəli şəxslər üçün - 1500 manatdan 2000 manatadək
hüquqi şəxslər üçün - 4000 manatdan 5000 manatadək
Bu qanunun məqsədi yalnız heyvanları qorumaq deyil, həm də cəmiyyətdə mərhəmət, empatiya və məsuliyyət hissini formalaşdırmaqdır. Heyvanlar da hiss edən, qorxan, sevən canlılardır. Onlara mərhəmət göstərmək sadəcə borc deyil insanlığın göstəricisidir.
Unutmayaq! Heyvana qarşı zorakılıq, insanlığa qarşı zorakılıqdır. Hər birimiz belə halların şahidi olduqda Daxili İşlər Nazirliyinə və ya bələdiyyə orqanlarına müraciət etməliyik. Birlikdə daha mərhəmətli, daha ədalətli bir cəmiyyət qura bilərik.
