Hansı işçilər attestasiyadan azaddır?

Hər bir müəssisə işçilərin attestasiyasını keçirə bilər. Əmək Məcəlləsinin 66-cı maddəsinə əsasən aşağıdakı işçilər attestasiyadan azaddırlar:

-vətənin müdafiəsi, azadlığı və ərazi bütövlüyü uğrunda hərbi əməliyyatlarda xəsarət (yaralanma, travma, kontuziya) almış və əlilliyi müəyyən edilmiş işçilər;

-Azərbaycanın müstəqilliyinin və ərazi bütövlüyünün müdafiəsi zamanı göstərdiyi şücaətlərə görə dövlət təltiflərinə və fəxri adlarına layiq görülmüş işçilər;

-bir vəzifədə 5 ildən az müddətdə çalışan məcburi köçkün və qaçqın statusu olan işçilər;

-hamilə qadınlar; yaşı 18-dən az olan işçilər;

-uşağının 3 yaşınadək sosial məzuniyyətdə olan və həmin məzuniyyət bitdikdən sonra 1 ildən az müddətdə müvafiq vəzifədə çalışan qadınlar (uşağını təkbaşına böyüdən kişilər);

-bir vəzifədə faktik olaraq 1 ildən az müddətdə çalışan işçilər; eyni vəzifədə azı 3 dəfə attestasiya olunaraq tutduğu vəzifəyə uyğun olduğu müəyyən edilmiş işçilər;

-kollektiv müqavilədə (sazişdə) nəzərdə tutulan hallarda attestasiya olunmayan işçilər; Azərbaycan Respublikasında praktik tibb və ya əczaçılıq fəaliyyəti ilə məşğul olan işçilər;

-“Təhsil haqqında” Qanuna əsasən sertifikatlaşdırmaya cəlb edilən təhsilverənlər.

Salam, Ülkər xanım, təhsilverənlər işə qəbul olunduqdan sonra 3 il ərzində sertifikatlaşdırmaya cəlb edilmirlər, həmdə indi 60 və daha yuxarı yaşda olan şəxslər üçün sertifikatlaşdırmada iştirak könüllü sayılır (67-2 ƏM). Belə xüsusi normaların olması Əmək məcəlləsinin tənzimləmənin hərtərəfliyini göstərir,məncə bu çox müsbət haldır